36interea totiens haustum cratera repleri
37sponte sua per seque vident succrescere vina;
38attoniti novitate pavent manibusque supinis
39concipiunt Baucisque preces timidusque Philemon
40et veniam dapibus nullisque paratibus orant.
41unicus anser erat, minimae custodia villae,
42quem dis hospitibus domini mactare parabant;
43ille celer penna tardos aetate fatigat
44eluditque diu tandemque est visus ad ipsos
45confugisse deos. superi vetuere necari
46'di'que 'sumus, meritasque luet vicinia poenas
47impia' dixerunt; 'vobis immunibus huius
48esse mali dabitur. modo vestra relinquite tecta
49ac nostros comitate gradus et in ardua montis
50ite simul.'